MAPPARIUS

MAPPARIUS

apud Chrysostomum, Auctorem Chronici Alexand. Scylitzen, Nicetam Choniaten, Alios, dicitur is, quiproiectam ab Imperatore vel Consule aut alio Magistratu, mappam excipiebat, signumque gladiatoribus dabat, quod μαππάςθαι dictum in Glossis Basil can.

In Circensibus ludis, cum mappa mittebatur equis emittendis, iam pridem loca sua ceperant spectatores; pompa enim prius transduci per Circum solebat, ut ex Ovidii Elegia, de Circensibus constat. Tum missâ mappâ, pandebantur ostia carcerum et ἀπαλλαγὴ, i. e. dimissio equorum, fiebat. Mittebatur autem mappa ex alto, ut ab omnibus videretur. Cassiodorus, Hinc tractum est, ut ostensâ mappâ certa videatur esse promissio Circensium futurorum. Unde Tertullian, Diaboli gulae ex alto praecipitati comparat mappam illam, quae mittebatur: Non vident missum quid sit: mappam putant, sed est Diaboli ab alto praecipitati gula. Et proin in medio ostio Cirvi, quod inter alia XII. ostia medium erat et sena utrinque habebat, solebat consistere Mapparius: Graeci, Δώδεκα δὲ ὑσπληγγὲς κατὰ μίμησιν τῶ δώδεκα ζωδίων, Μαππάριος δὲ καλεῖται ὁ εν τῷ μέσῳ ἱςτάμενος καὶ τοῦ δρόμου ἔχων τὸ σύνθημα, Duodecim autem ostia seu ianuae, ad imitationem duodecim signorum. Mapparius vero, qui in medio stabat, cursus habebat signum. In quo loco etiam COnsules Praetoresque, ac denique Magistratus ille, qui Ludos edebat, signumque mittendis quadrigis dabat, confidebant. Sidonius Apollinaris,

Haec est ianua Consulumque sedes,

Ambit quam paries utrinque senis

Cryptis porticibusque fornicatus, etc.

Vide Salmas. ad Solin. p. 201. et 922. At in Patriarchio Bituricensi apud Car. du Fresne c. 30. Mapparius est, qui loturo Regi mappam porrigit. Vide et Aimoinum Histor. Francicae l. 4. c. 2.